អាជីវកម្មការីទេសចរណ៍ ភ្នាក់ងារទេសចរណ៍

គ្រប់អាជីវកម្មភ្នាក់ងារការីទេសចរណ៍ថ្មី  ភ្នាក់ងារទេសចរណ៍ថ្មី ដែលដំណើការក្នុងព្រះរាជាណាចក្រកម្ពុជាត្រូវមានអាជ្ញាបណ្ណឬវិញ្ញាបនប័ត្រមួយចំនួន។ លោកអ្នកអាចធ្វើការស្នើសុំអាជ្ញាបណ្ណ ឬវិញ្ញាបនប័ត្រទាំងនោះនៅ៖

– ចំពោះអាជ្ញាបណ្ណទេសចរណ៍ សម្រាប់ដំណើការអាជីវកម្មភ្នាក់ងារទេសចរណ៍ លោកអ្នក អាចស្នើសុំបាន នៅក្រសួងទេសចរណ៍ ឬនៅតាមបណ្តាមន្ទីរទេសចរណ៍ខេត្តក្រុងដើម្បីជួយ និងផ្តល់ជាព័ត៌មានសម្រាប់ការស្នើសុំរបស់លោកអ្នក ឬលោកអ្នកអាចស្នើសុំបានតាមរយៈគេហទំព័រhttp://cambodiatourismindustry.org/

– ចំពោះវិញ្ញាបនប័ត្របញ្ជាក់ការចុះឈ្មោះក្នុង បញ្ជីពាណិជ្ជកម្ម លោក អ្នកអាចធ្វើការសុំចុះវិញ្ញាបនប័ត្របញ្ជាក់ការចុះឈ្មោះក្នុងបញ្ជីពាណិជ្ជកម្ម តាមរយៈប្រព័ន្ធស្វ័យប្រវត្តកម្ម សម្រាប់ចុះបញ្ជីពាណិជ្ជកម្ម www.businessregistration.moc.gov.kh ឬលោក អ្នកអាចអញ្ជើញទៅកាន់ នាយកដ្ឋានចុះបញ្ជីពាណិជ្ជកម្មរបស់ក្រសួងពាណិជ្ជកម្ម ឬមន្ទីរពាណិជ្ជកម្មខេត្តក្រុង ដើម្បីជួយ និងផ្តល់ជាព័ត៌មានសម្រាប់ការចុះបញ្ជីពាណិជ្ជកម្មរបស់លោក អ្នក។

– ចំពោះការចុះបញ្ជីពន្ធដារ ពន្ធប៉ាតង់ អាករលើតម្លៃបន្ថែម និងពន្ធប្រថាប់ត្រា លោក អ្នកអាចធ្វើការសុំចុះបញ្ជីនៅអគ្គនាយកដ្ឋានពន្ធដារ(សាលាជាតិពន្ធដារ) ឬការិយាល័យពន្ធដារ ស្រុក ខណ្ឌ

– ចំពោះលិខិតអនុញ្ញាត(បើកទីតាំងអាជីវកម្ម) លោក អ្នកអាចអញ្ជើញទៅកាន់សាលារាជធានី ខេត្តក្រុងដែលអាជីវកម្មលោកអ្នកស្ថិតនៅ

– ចំពោះ ចុះបញ្ជិការប្រកាសបើកសហគ្រាស សៀវភៅបញ្ជីប្រចាំគ្រឹះស្ថាន សៀវភៅបើកប្រាក់ ចុះទិដ្ឋាកាបទបញ្ជាផ្ទៃក្នុង លោក អ្នកអាចអញ្ជើញទៅកាន់    ក្រសួងការងារ និងបណ្តុះបណ្តាលវិជ្ជាជីវៈ       ឬតាមប្រព័ន្ធបច្ចេកវិទ្យាព័ត៍មាន(តាមរយៈប្រព័ន្ធonlineទទួលស្គាល់ដោយក្រសួងការងារ)។

– ចំពោះពន្ធលើស្លាកយីហោ លោក អ្នកអាចធ្វើការសុំចុះបញ្ជីបាន នៅអគ្គនាយកដ្ឋានពន្ធដារ  ឬការិយាល័យពន្ធដារ ស្រុក ខណ្ឌ

– ចំពោះលិខិតអនុញ្ញាតស្លាកយីហោ លោក អ្នកអាចអញ្ជើញទៅកាន់សាលារាជធានី ខេត្ត ក្រុង ដែលអាជីវកម្មលោកអ្នកស្ថិតនៅ

លោកអ្នកតម្រូវឱ្យមានសំណុំឯកសារមួយចំនួន ដូចខាងក្រោមសម្រាប់ដំណើរការស្នើសុំ អាជ្ញាបណ្ណទេសចរណ៍ សម្រាប់ដំណើការអាជីវកម្មការីទេសចរណ៍ថ្មី  ភ្នាក់ងារទេសចរណ៍ថ្មី៖

– វិញ្ញាបនប័ត្របញ្ជាក់ការចុះឈ្មោះក្នុងបញ្ជីពាណិជ្ជកម្មចេញដោយក្រសួងពាណិជ្ជកម្ម

– ប្រាក់តម្កល់ធានាអាជីវកម្មពីធានាគារដែលទទួលស្គាល់ដោយក្រសួងទេសចរណ៍

– លិខិតបញ្ជាក់ទីតាំងនៃអាជីវកម្ម ឬកិច្ចសន្យាជួលទីតាំង

– កិច្ចសន្យារបស់ប្រតិបត្តិករទេសចរណ៍ ក្នុងការប្រកបអាជីវកម្ម

– អត្តសញ្ញាណប័ណ្ណ ឬលិខិតឆ្លងដែនដែលមានសុពលភាព

– រូបថត ៤X ៦

អាជ្ញាបណ្ណទេសចរណ៍ សម្រាប់ដំណើការអាជីវកម្មការីទេសចរណ៍ថ្មី  ភ្នាក់ងារទេសចរណ៍ថ្មីផ្តល់អត្ថប្រយោជន៍ដូចខាងក្រោម៖

1. អាជីវកម្មលោកអ្នកត្រូវគេទទួលស្គាល់ថាជានិតិបុគ្គលនិងទទួលបានការការពារដោយច្បាប់ នៃព្រះរាជាណាចក្រកម្ពុជា
2. ផ្តល់ទំនុកចិត្តដល់ដៃគូអាជីវកម្ម ដែលមានសារៈសំខាន់សម្រាប់ឧត្តមភាព និងកាលានុវត្តភាពក្នុងអាជីវកម្មព្រមទាំងជម្រុញឱ្យទទួលបានធនធានសម្រាប់អាជីវកម្ម ដូចជាហិរញ្ញប្បទានជាដើម
3. លោកអ្នកទទួលបានការប្រឹក្សា ពីមន្រ្តីជំនាញលើការចាប់ផ្តើមអាជីវកម្ម ដំណើរការអាជីវកម្ម និងការការពារអតិថិជន
4. ប្រសិនបើ លោកអ្នកដំណើរការអាជីវកម្មការីទេសចរណ៍ថ្មី  ភ្នាក់ងារទេសចរណ៍ថ្មីដោយពុំមានអាជ្ញាបណ្ណទេសចរណ៍សម្រាប់ដំណើការអាជីវកម្មការីទេសចរណ៍ថ្មី  ភ្នាក់ងារទេសចរណ៍ថ្មី លោកអ្នកត្រូវទទួលការផាកពិន័យជាទឹកប្រាក់ចាប់ពី ២.០០០.០០០រៀល រហូតដល់ ២០.០០០.០០០រៀល

កំឡុងពេលស្នើសុំអាជ្ញាបណ្ណទេសចរណ៍សម្រាប់ដំណើរការអាជីវកម្មការីទេសចរណ៍ថ្មី  ភ្នាក់ងារទេសចរណ៍ថ្មីលោកអ្នកត្រូវទទួលរងការត្រួតពិនិត្យដូចខាងក្រោម៖

(១) ប្រព័ន្ធគ្រប់គ្រងអគ្គីភ័យ និងប្រព័ន្ធការពារសន្តិសុខ សុវត្ថិភាពដោយក្រសួងមហាផ្ទៃ

(២) អនាម័យ ដោយ ក្រសួងសុខាភិបាល;

(៣) ត្រួតពិនិត្យទីតាំងអាជីវកម្មដោយអាជ្ញាធរមូលដ្ឋាន

លើសពីនេះទៅទៀត លោកអ្នកត្រូវទទួលរងការត្រួតពិនិត្យកំឡុងពេលដំណើរការអាជីវកម្ម

(១)អនាម័យ ដោយ ក្រសួងសុខាភិបាល

(២)ប្រព័ន្ធគ្រប់គ្រងអគ្គីភ័យ និងប្រព័ន្ធការពារ សន្តិសុខ សុវត្ថិភាពដោយក្រសួងមហាផ្ទៃ

(៣) អធិការកិច្ចការងារដោយក្រសួងការងារ និងបណ្តុះបណ្តាលវិជ្ជាជីវៈ

(៤)ត្រួតពិនិត្យទីតាំងអាជីវកម្មដោយអាជ្ញាធរមូលដ្ឋាន។