នៅថ្ងៃទី ១៦ខែ មិនា ឆ្នាំ២០២០ ធនាគារអភិវឌ្ឍន៍ជនបទនិងកសិកម្ម បានប្រារពធ្វើសន្និសិទ្ធសារព័ត៌មានមួយនៅការិយាល័យកណ្តាលរបស់ខ្លួន ក្បែរវត្តបទុមវតីក្នុងរាជធានី ភ្នំពេញ។ សន្នីសិទ្ធសារព័ត៌មាននេះ ស្តីអំពី ការចុះអនុស្សារណៈ របស់ធនាគាអភិវឌ្ឍន៍ជនបទនិងកសិកម្ម ជាមួយនឹង វស័យឯកជនដែលតំណាងដោយ សមាគមសហគ្រិនវ័យក្មេងកម្ពុជា សមាគមសហគ្រិនស្ត្រីកម្ពុជា និង សមាគមអ្នកវិនិយោគកម្ពុជា ព្រមទាំងការបើកដំណើរការជាផ្លូវការក្នុងការផ្តល់ហិរញ្ញប្បទានរបស់ធនាគារអភិវឌ្ឍន៍ជនបទ ក្នុងអត្រាការប្រាក់ទាប សំរាប់វិស័យកែច្នៃផលិតផលកសិកម្ម វិស័យកសិ-ឧស្សាហកកម្ម និងវិស័យកសិកម្ម (លើកលែងវិស័យសិប្បកម្ម សហគ្រាសធុនតូចនិងមធ្យមក្នុងវិស័យស្រូវអង្ករ)។ កម្មវិធីនេះ បានចូលរួមជាកិត្តិយសដោយ ឯកឧត្តម កៅ ថាច អគ្គនាយកធនាគារអភិវឌ្ឍន៍ជនបទនិងកសិកម្ម ព្រមទាំងមាន ភាគីវិស័យឯកជនមួយចំនួនទៀតដែលតំណាងដោយ សមាគមអ្នកផលិតចំណីអាហារកម្ពុជា ស៊ីអ៊ីអូម៉ាស្ទឺរក្លឹប និងសហព័ន្ធសមាគមសហគ្រាសធុនតូចនិងមធ្យមកម្ពុជា។ល។
ការចុះអនុស្សារណៈ នេះគឺក្នុងគោលបំណង ផ្តល់នូវក្របខណ្ឌសហប្រតិបត្តិការអនុវត្តកម្មវិធីហិរញ្ញប្បទានពិសេសរបស់រាជរដ្ឋាភិបាល ដែលមានទឹកប្រាក់រហូតដល់ ៥០ លានដុល្លារអាមេរិក ដើម្បី គំាទ្រទៅដល់សិប្បកម្ម សហគ្រាសធុនតូច និងមធ្យម ក្នុងវិស័យកែច្នៃផលិតផលកសិកម្ម វិស័យកសិ-ឧស្សាហកម្ម និងវិស័យកសិកម្ម ដើម្បីពង្រឹងនិងពង្រីកមូលដ្ឋានផលិតកម្មក្នុងស្រុក ព្រមទាំងជំរុញសកម្មភាពសេដ្ឋកិច្ច បង្កើតការងារថ្មីដល់ប្រជាពលរដ្ឋ ដើម្បីឈានទៅរកភាពរីកចំរើនមួយកម្រិតទៀតសម្រាប់ឆ្នាំ២០២០នេះ។
រាល់សំណើរសុំឥណទានក្រោមគម្រោងហិរញ្ញប្បទានពិសេសនេះ សិប្បកម្ម សហគ្រាសធុនតូចនិងមធ្យមក្នុងវិស័យកែច្នៃផលិតផលកសិកម្ម វិស័យកសិ-ឧស្សាហកម្ម នឹងត្រូវបានវាយតម្លៃដោយផ្អែកលើលក្ខខណ្ឌដែលបានកំណត់ជាអប្បបរមា និងមានលក្ខណៈឆ្លើយតបដូចខាងក្រោមនេះ៖
អតិថិជនគោលដៅ ដែលមានលក្ខណៈសម្បត្តិគ្រប់គ្រាន់ និងឆ្លើយតបទៅនឹងលក្ខខណ្ឌតម្រូវខាងលើ អាចធ្វើសំណើរលើប្រភេទឥណទាន ពីរប្រភេទដូចខាងក្រោម៖
ហិរញ្ញប្បទានខាងលើនេះ មានលក្ខណៈពិសេស និងភាពទន់ភ្លន់ ប្រកបដោយការយោគយល់មួយចំពោះអតិថិជនគោលដៅ។ សូមគួសបញ្ជាក់ដែលថា ផ្អែកតាមចេតនាគាំទ្ររបស់រាជរដ្ឋាភិបាលកម្ពុជាទៅលើវិស័យឯកជន ធនាគារអភិវឌ្ឍន៍ជនបទនិងកសិកម្ម អាចនឹងពិចារណាសិក្សាទៅលើប្រភេទឯកសារដែលតំរូវក្នុងការដាក់សំណើរតាមករណីពិសេសដាច់ដោយឡែកនីមួយៗប្រសិនបើអតិថិជនស្ថិតក្នុងវិស័យអទិភាពបន្ទាប់ពីបានសិក្សា។ ចំពោះអង្គភាពដែលតំណាងអោយវិស័យឯកជន ក្នុងការចុះអនុសារណៈ រួមមាន សមាគមសហគ្រិនវ័យក្មេងកម្ពុជា សមាគមសហគ្រិនស្ត្រីកម្ពុជា និង សមាគមអ្នកវិនិយោគកម្ពុជានឹងដើរតួរជា អ្នកជួយប្រឹក្សាយោបល់ទៅលើប្រភេទឯកសារនិងការត្រៀមខ្លួនក្នុងការធ្វើសំណើរសុំហិរញ្ញប្បទាន និងពិគ្រោះអំពីផែនការប្រើប្រាស់ហិរញ្ញប្បទានប្រកបដោយប្រសិទ្ធភាព ក្នុងដំណើរការសុំហិរញ្ញប្បទាននេះ៕
ព័ត៌មានបន្ថែមចំពោះហិរញ្ញប្បទានពិសេសរបស់រាជរដ្ឋាភិបាលនេះ សូមទាក់ទងតាមរយៈ ធនាគារអភិវឌ្ឍន៍ជនបទនិងកសិកម្មដូចខាងក្រោម៖
ប្រភពព័ត៌មានពី ធនាគារអភិវឌ្ឍន៍ជនបទនិងកសិកម្ម
មជ្ឈមណ្ឌលសេវាកម្មអាជីវកម្ម មានគោលបំនងដើម្បីរួមចំនែកក្នុងការអភិវឌ្ឍន៍ និរន្តរភាព និង ភាពប្រកួតប្រជែង របស់សហគ្រាសធុនតូច-មធ្យម កម្ពុជា។ មជ្ឈមណ្ឌលនេះ និងជួយបងើ្កនតំលាភាព និង ប្រសិទ្ធភាព ទាក់និងការអនុវត្តន៍ច្បាប់ និង បទបញ្ញាត្តិ សំរាប់ស្ថាប័នឯកជន ជាមួយគ្នានេះដែរ មជ្ឈមណ្ឌលសេវាកម្មអាជីវកម្ម និង ផ្តល់ភាពងាយស្រួល ក្នុងការទទួលបាននូវពត៌មានមួយជាក់លាក់ របស់សហគ្រាសធុនតូច-មធ្យម កម្ពុជា ជាពិសេសទាក់ទងទៅនិង ផ្លូវច្បាប់ និង បទបញ្ញាត្តិ រួមមាន ការចុះបញ្ជីា, អាជ្ញាប័ណ្ណអាជីវកម្ម និងពត៌មានលើដំណើរការអាជីវកម្មដូចជា៖ ឳកាសទីផ្សារ, សេវាកម្ម អភិវឌ្ឍន៍អាជីវកម្ម, ហរិញ្ញប្បទាន, ការបណ្តុះបណ្តាល និង បណ្តាញទំនាក់ទំនង
ចុះឈ្មោះដើម្បីទទួលព័ត៌មានថ្មីបំផុតពីយើង
