ជាមួយនឹងការចំណាយពេលលើបណ្តាញពត៌មានសង្គមដើម្បីអោយអាជីវកម្មកើនឡើង អាជីវករត្រូវការបង្ហាញពីការបានត្រឡប់មកវិញនូវរាល់ការងារវិនិយោគទៅក្នុង បណ្តាញពត៌មានសង្គម។ បង្កើនពេលវេលា និងពត៌មានសង្គមពីអាជីវកម្មរបស់អ្នកអោយមាន ប្រសិទ្ធិភាពជាមួយនឹងការណែនាំបង្ហាញខ្លីៗចំនួន ៣ដូចខាងក្រោម៖
| តើអ្វីដែលធ្វើអោយក្លាយជាអ្នកគ្រប់គ្រងពត៌មានសង្គមបានល្អ?
អ្នកគ្រប់គ្រងប្រព័ន្ធផ្សព្វផ្សាយសង្គមត្រូវយល់ដឹងពីចំណាប់អារម្មណ៍របស់អតិថិជនរបស់អ្នក រក្សាបច្ចុប្បន្នភាពលើនិន្នាការនានា វិភាគទិន្នន័យប្រតិបត្តិការ និងលទ្ធភាពដើម្បីពង្រីក ឬប្រភពពាក់ព័ន្ធ មាតិកាដែលគួរឱ្យចាប់អារម្មណ៍ ដោយមានជំនាញនៃការសរសេរ និងជំនាញច្នៃប្រឌិតផ្សេងៗ។ អ្នកមិនចាំបាច់ត្រូវជួលបុគ្គលិកជំនាញរចនាសម្រាប់តួនាទីនេះទេ។ ប្រសិនបើបុគ្គលិកបច្ចុប្បន្នរបស់អ្នកត្រូវតាមទម្រង់នេះ ត្រូវប្រាកដថាពួកគេមានគណនេយ្យភាពដោយមានទំនួលខុសត្រូវច្បាស់លាស់។ |
១. ភាពប្រាកដនិយម
វាត្រូវការពេលវេលា និងថវិកាដើម្បីស្វែងយល់ពីអ្វីដែលអតិថិជនគោលដៅរបស់អ្នកអោយតម្លៃ ក្នុងប្រព័ន្ធផ្សព្វផ្សាយសង្គម និងកសាងទំនាក់ទំនងជាមួយពួកគេ។ តើការរំពឹងទុករបស់អ្នក មានភាពប្រាកដនិយមចំពោះយុទ្ធសាស្រ្តប្រព័ន្ធផ្សព្វផ្សាយសង្គមនៃអាជីវកម្មរបស់អ្នកទេ? ត្រូវស្វែងយល់ឲ្យច្បាស់លាស់លើចម្លើយចំពោះសំណួរទាំងនេះ:
- តើមួយណានៃពត៌មានទាំងនេះដែលអ្នកចង់សម្រេចបានដល់ជំនួញរបស់អ្នក ជាមួយប្រព័ន្ធផ្សព្វ ផ្សាយសង្គមរបស់អ្នក?
- បង្កើនការយល់ដឹងអំពីម៉ាកយីហោរបស់អ្នក។
- បង្កើនការចូលទៅកាន់វេបសាយរបស់ក្រុមហ៊ុន។
- ការចូលរួមកាន់តែជ្រៅជាមួយអតិថិជនរបស់អ្នកតាមរយៈសហគមន៍អនឡាញ។
- ការយល់ដឹងកាន់តែប្រសើរអំពីអតិថិជនគោលដៅរបស់អ្នក។
- ការអប់រំ។
- តើអ្នកណាជាអតិថិជនគោលដៅរបស់អ្នក? តើពួកគេកំពុងភ្ជាប់ទំនាក់ទំនងនៅលើប្រព័ន្ធផ្សព្វផ្សាយសង្គមនៅកន្លែងណា?
- ផ្តោតលើបណ្តាញទាំងនោះ។
- ការមានសកម្មភាពនៅលើច្រកតែមួយ តែងតែល្អប្រសើរជាងការរក្សាវត្តមានអសកម្មនៅក្នុងបណ្តាញជាច្រើន។
- តើអ្វីខ្លះដែលអ្នកអាចលៃលកបានក្នុងក្របខណ្ឌនៃរយៈពេល ធនធានមនុស្ស និងថវិកាដើម្បីបានដល់ក្រុមមនុស្សដែលត្រឹមត្រូវ នៅពេលវេលាដែលត្រឹមត្រូវ?
- តើនរណាជាបុគ្គលដែលល្អបំផុតក្នុងការគ្រប់គ្រងសកម្មភាពប្រព័ន្ធផ្សព្វផ្សាយសង្គមរបស់អ្នក?
២. ភ្ជាប់ទំនាក់ទំនង និងចូលរួមយ៉ាងមានប្រសិទ្ធិភាពជាមួយអ្នកតាមដាន
អាជីវកម្ម និងប្រពន័្ធផ្សព្វផ្សាយពត៌មានសង្គមគឺពិជាមិនដូចគ្នាទេ!
ត្រូវមានប្រតិកម្មឆ្លើយតប និងក៏ដូចជាប្រព័ន្ធពិធីសារទំនាក់ទំនងសង្គមអាជីវកម្ម
- បញ្ចេញពត៌មានទៅក្នុងថ្ងៃធ្វើជំនួញដូចគ្នាទៅកាន់អ្នកប្រើប្រាស់ ហើយយកចិត្តទុកដាក់ និងផ្តល់មតិយោបល់របស់ពួកគេយ៉ាងម៉ត់ចត់។ អ្វីដែលអ្នកដាក់ឈ្មោះក្នុងម៉ាកយីហោរបស់អ្នកឆ្លុះបញ្ចាំងពីអាជីវកម្មរបស់អ្នក។ ត្រូវមានវិជ្ជាជីវៈ និងការគោរពគ្រប់ពេលវេលា។
- ត្រូវមានលក្ខណៈស្ថាបនានៅពេលឆ្លើយតបនឹងយោបល់អវិជ្ជមាន និងគ្រាន់តែលុបពួកគេចោលខណៈវាជាមធ្យោបាយចុងក្រោយរបស់អ្នក។ កុំចូលរួមនៅក្នុងអំណះអំណាង ឬការជជែកវែកញែកទូលំទូលាយណាមួយអោយសោះ។ នេះមិនត្រឹមតែមានភាពច្បាស់លាស់ប៉ុណ្ណោះទេ (មិនមានការបង្អាប់ជនជាតិភាគតិច ការប្រមាថផ្ទាល់ខ្លួន ភាពអាសអាភាស ជាដើម) ថែមទាំងមានប្រធានបទឯកជន និងប្រធានបទប៉ះពាល់ ដូចជានយោបាយ និងសាសនាជាដើម។
ត្រូវមានភាពសកម្ម និងផ្សព្វផ្សាយតែលើមាតិកាធម្មតា ថ្មីៗ និងចាប់អារម្មណ៍ខ្លាំង
យុទ្ធសាស្រ្តប្រព័ន្ធផ្សព្វផ្សាយសង្គមដែលទទួលបានជោគជ័យផ្តោតលើការស្តាប់ទស្សនិកជនគោលដៅ និងការចូលរួមវានៅជុំវិញប្រធានបទដែលពួកគេចូលចិត្ត និងចែករំលែក។ កសាងភាពស្មោះត្រង់នៅជុំវិញស្លាកយីហោរបស់អ្នកដោយធ្វើវាឲ្យទស្សនិកជនគោលដៅរបស់អ្នកអាចមានភាពជឿជាក់ មានទំនាក់ទំនងជាមួយ និងត្រូវបានគេចាប់អារម្មណ៍ក្នុងការចូលរួម។
- ចុះឈ្មោះលើព្រឹត្តិប័ត្រព័ត៌មាន និងគេហទំព័រព័ត៌មានដែលត្រូវបានពិគ្រោះយោបល់ដោយទស្សនិកជន និងក្នុងវិស័យរបស់អ្នក។ ស្វែងរកពាក្យគន្លឹះ និងទាញភ្ជាប់នៅលើធ្វីតទ័រ ការភ្ជាប់ទៅក្នុង Pulse បង្កើតទំព័រផ្ទាល់ខ្លួន Paper.li បង្កើតកាសែតផ្ទាល់ខ្លួនរបស់អ្នកជាមួយនឹងការធ្វើឱ្យទាន់សម័យប្រចាំថ្ងៃ។
- ឃ្លីបវីដេអូសម្រាប់ពិចារណា ឃ្លីបសម្លេង និងការមើលឃើញក្នុងអត្ថបទវែងស្របតាមព្រឹត្តិការណ៍ជីវិតទស្សនិកជនគោលដៅរបស់អ្នក។ ឧទាហរណ៍បោះពុម្ពខិត្តប័ណ្ណស្វាគមន៍ក្រៅផ្លូវការដើម្បីចាប់ផ្ដើម និងបញ្ចប់នៅក្នុងសប្ដាហ៍ជាមួយរូបភាពគួរឱ្យអស់សំណើច។
- ប្រើកាលវិភាគវិចារណកថាដើម្បីបោះពុម្ពផ្សាយធ្វើសមកាលកម្មជាមួយវដ្តនៃព្រឹត្តិការណ៍។ បង្ហោះនៅលើហ្វេសប៊ុកយ៉ាងហោចណាស់ម្តងក្នុងមួយថ្ងៃ និងនៅលើ Twitter ប្រហែល ៣-៤ ដងក្នុងមួយថ្ងៃ។ ភាពញឹកញាប់នឹងពឹងផ្អែកទៅលើធនធានមនុស្សគោលដៅ និងលទ្ធភាពមាតិកាដែលអាចរកបានរបស់អ្នក។ ដើម្បីសន្សំសំចៃពេលវេលា អ្នកអាចផ្សាយខ្លឹមសារដូចគ្នា (ប្រែប្រួលតិចតួចទៅតាមបណ្តាញព័ត៌មានផ្សេងៗគ្នា) នៅលើបណ្តាញសង្គមខុសៗគ្នាក៏ដូចជាការប្រើប្រាស់ឧបករណ៍ដូចជា Hootsuite ដើម្បីសរសេរកម្មវិធីផ្សព្វផ្សាយសង្គមរបស់អ្នកជាមុន។
៣. ធ្វើការវាស់វែង និងយកលំនាំតាម/សម្របតាម
អ្នកគ្រាន់តែអាចគ្រប់គ្រងនូវអ្វីដែលអ្នកអាចវាស់វែងបាន
ចូរប្រើឧបករណ៍តាមដានការបំពេញពត៌មានសង្គមមួយ ដើម្បីវាស់វែងការរីកចម្រើនប្រចាំខែនូវច្រកពត៌មានសង្គមនីមួយៗ ។ សំណួរគន្លឹះរួមមាន៖
- តើអ្នកបានដល់ទស្សនិកជនគោលដៅរបស់អ្នកទេ?
- តើអ្នកបានភ្ជាប់ទំនាក់ទំនងជាមួយទស្សនិកជនគោលដៅរបស់អ្នកទេ?
- តើមានអ្នកតាមដានពត៌មានសង្គមប៉ុន្មាននាក់ចាប់អារម្មណ៍នៅក្នុងផលិតផល និងសេវាកម្មរបស់អ្នក?
- តើមានចំនួនប៉ុន្មាននាក់ពីអ្នកទាំងនេះដែលក្លាយជាអតិថិជនរបស់អ្នក?
សម្របតាម/យកលំនាំតាមទស្សនិកជនគោលដៅពត៌មានសង្គម
កាលណាអ្នកដឹងពីអ្នកដើរតាមអ្នកកាន់តែច្រើនអ្នកនឹងទទួលបានជោគជ័យកាន់តែច្រើនក្នុងការភ្ជាប់សម្ព័ន្ធជាមួយពួកគេ។ សម្របតាមពួកគេពីប្រភេទមាតិកា វិធីសាស្ត្រដឹកជញ្ជូន និងពេលវេលា ដើម្បីធ្វើឱ្យប្រាកដថាការចុះផ្សាយរបស់អ្នកបានដល់មនុស្សកាន់តែច្រើនតាមតែអាចធ្វើទៅបាន។
- ឧទាហរណ៍ប្រសិនបើការវិភាគរបស់អ្នកបង្ហាញថាភាគច្រើននៃអ្នកដើរតាមអ្នកគឺជាស្ត្រីដែលមានអាយុចន្លោះពី ២០ ទៅ ៣០ ឆ្នាំ ចូរសម្របមាតិកាអត្ថបទ របស់អ្នកដើម្បីបំពេញចំណាប់អារម្មណ៍របស់ពួកគេ។
- ប្រសិនបើអ្នករកឃើញថាអ្នកប្រើភាគច្រើនរបស់អ្នកប្រើប្រាស់អ៊ីនធឺណិតនៅម៉ោង ៣ រសៀលហើយចូលចិត្តមើលវីដេអូ និងគន្លឹះប្រចាំថ្ងៃលើអត្ថបទលំអិត ចូររៀបចំផែនការបង្កើតប្រភេទនៃការចុះផ្សាយអោយបាន ១០ នាទីមុនម៉ោង ៣ រសៀល។
